DESVÍOS NO TRANSPORTE URBANO
Con motivo das cacharelas da noite de San Xoán, cortaranse ao tráfico varias rúas na cidade, có que algunhas liñas do transporte urbano terán que desviarse nalgúns dos seus servizos:
*Corte nas rúas de Sar e Ponte de Sar, afectando á liña 7.
Desde as 15:00 do día 23 ata as 4:00 do venres 24, pecharase ao tráfico a rúa de Sar desde o nº 74 ata a rúa Ponte de Sar, cruce con Diego Bernal.
Os servizos da liña 7 a partir desa hora desviaranse por Diego Bernal, multiusos, Fontiñas e avda. de Lugo, retomando o seu itinerario na rúa Curros Enríquez.
Quedarán suprimidas as paradas:
-Sentido Aríns e Fornás: 462, Curros Enríquez, cruce Castrón Douro; 516, Sar de Afora nº 90; 194, Colexiata de Sar; 387, Ponte de Sar nº 22.
-Sentido Valle Inclán: 388, Ponte de Sar nº 41; 195, Colexiata de Sar; 515, Sar de Afora nº 18; 227, Curros Enríquez nº 25.
*Corte en Conxo, nas rúas Sánchez Freire e Campo de Conxo, afectando ás liñas 5, C2 e C4.
Estas rúas estarán cortadas a partir das 20:00 do xoves 23.
Debido a este corte, as liñas 5, C2 e C4 realizarán os seguintes desvíos:
-Liña 5 sentido Rocha: despois de García Prieto, desviaranse pola avda. de Ferrol, SC-20 ata a rotonda de Volta do Castro, continuando o percorrido habitual por Poza Real de Abaixo (Sta. Apolonia).
Paradas suprimidas: (575) Sánchez Freire; (155) Campo de Conxo, psiquiátrico; (127) Benéfica de Conxo, Televés; (626) Torrente, cruce Travesa Benéfica; (628) Torrente nº 28.
-Liña 5 sentido Vite: realizarán o percorrido habitual ata a rotonda de Televés, onde realizarán cambio de sentido voltando por Torrente, rotonda de Volta do Castro, SC-20, e itinerario habitual pola avda. de Ferrol.
Parada suprimida: (412) Campo de Conxo, psiquiátrico.
-Liña C2: despois de García Prieto, desviarase pola avda. de Ferrol ata a rotonda de Conxo e accederá ao hospital Provincial. Á saída do hospital, terá que ir pola SC-20 ata a rotonda de Volta do Castro, continuando por Torrente, Benéfica, cambio de sentido na rotonda de Televés e retomando o itinerario habitual na rúa dos Roláns.
Paradas suprimidas: (575) Sánchez Freire; (155) Campo de Conxo, psiquiátrico.
-Liña C4: realizarán o percorrido habitual ata a rotonda de Televés, onde farán o cambio de sentido voltando por Torrente, rotonda de Volta do Castro, SC-20, e itinerario habitual por Ramón Baltar cara o hospital Provincial.
Parada suprimida: (412) Campo de Conxo, psiquiátrico.
Pregamos desculpen as molestias que estas alteracións lles poidan ocasionar.